Brúðkaup, 29. júní 2024
Sigrún og Friðgeir
Hlökkum til að sjá ykkur á Flúðum!
Verið velkomin í brúðkaupið okkar, 29. júní næstkomandi.
Athöfnin fer fram í nágrenni við félagsheimilið á Flúðum, kl. 16:00 og í kjölfarið verður blásið til veislu inni í félagsheimilinu.
Hér fyrir neðan má finna ýmsar gagnlegar upplýsingar um athöfnina, veisluna og Flúðir.
Staðsetning og dagskrá
Athöfnin fer fram í göngufæri við Félagsheimili Hrunamanna, Flúðum, kl. 16:00 laugardaginn 29. júní 2024. Gestir eru beðnir að koma að félagsheimilinu kl. 15:45 þar sem gefnar verða frekari leiðbeiningar. Viðburðameistarinn Ragnar Ísleifur Bragason sér um athöfnina.
Eins og flestir vita eru Flúðir fallegur og veðursæll staður, og því tilvalið að kasta upp tjaldi eða bóka gistingu í nágrenninu, jafnvel verja allri helginni í þorpinu í góðum félagsskap. Stefnt er að því að bjóða upp á viðburði á föstudagskvöldinu fyrir þá gesti sem verða mættir strax þá – nánar um það síðar!
Annars eru Flúðir ekki nema rúmlega klukkutíma akstur frá Reykjavík og því hægur leikur fyrir akandi borgarbúa að hverfa til síns heima eftir veisluna.
Veislan
Matur
Í veislunni verður boðið upp á mat sem ætti að henta bæði kjötætum og grænkerum, sem og drykki fyrir reglufólk jafnt sem drykkjubolta.
Föt
Brúðhjónin hafa engan áhuga á að ráðskast með hvernig fólk er klætt, en munu sjálf reyna að vera ekki eins og umrenningar. Þó má hafa í huga að athöfnin fer að líkindum fram utandyra og því ekki vitlaust að vera með peysu eða úlpu til taks. Veislan verður hins vegar í upphituðum sal.
Veislustjórar
Veislustjórar verða Saga Garðarsdóttir og áðurnefndur Ragnar Ísleifur Bragason. Þið ykkar sem lumið á bitastæðu atriði megið gjarnan senda Ragnari póst á ragnarbragason@gmail.com eða hringja í hann í síma 893 2799.
Tónlist
Hinn annálaði plötusnúður Ívar Pétur leikur fyrir dansi í veislunni. Ef þið viljið óskalög skuluð þið senda beiðni á sigrunogfridgeir@gmail.com.
Flúðir
Rétt við þorpið – í göngufæri frá félagsheimilinu – er stórt tjaldstæði þar sem tilvalið er að slá upp búðum. Ýmsa aðra gistimöguleika má finna í nágrenninu og nálægum sveitum. Við ætlum að reyna að taka saman lista og setja á síðuna þegar nær dregur.
Á Flúðum er bæði Krambúð (opin 9:00-19:00) og Vínbúð (opin 11-16 á laugardögum). Einnig er í bænum eþíópískur veitingarstaður, Minilik. Þar borgar sig að panta fyrir fram og hafa tímann fyrir sér.
Á Flúðum er bæði venjuleg sundlaug og „Gamla laugin.“ Þá er náttúrulaugin Hrunalaug í 5 mínútna akstursfjarlægð.
Hin goðsagnakennda knæpa Útlaginn hefur því miður lagt upp laupana.
Brúðhjónin
Sigrún og Friðgeir hafa lifað í synd í einn og hálfan áratug. Ásamt sonunum Tómasi og Konráði, og kettinum Ljúfi, hefur þeim þó tekist að koma sér þægilega fyrir í blokkaríbúð í Laugarnesi. Eftir langa sambúð hafa þau safnað vel í búið og skortir ekki nokkurn skapaðan hlut. Gjafir eru því óþarfar – í alvöru! Við viljum bara skemmta okkur vel með ykkur. Ef þið getið alls ekki haldið aftur af gjafmildi ykkar má benda á ferðareikning fjölskyldunnar: rk. 0777-26-700000, kt. 1402812989 AUR: 6908609. (En við meinum það samt, okkur vantar alls ekki neitt).
Spurningar
-
sigrunogfridgeir@gmail.com
freinarsson@gmail.com
sigrunhl@gmail.com